ფინანსთა მინისტრი დიმიტრი გვინდაძე ბიზნესსექტორის წარმომადგენლებთანშეხვედრებს განაგრძობს. როგორც "ჯი-ეიჩ-ენს" ფინანსთა სამინისტროდან აცნობეს, დღეს ის ამერიკის სავაჭრო პალატის წევრებს შეხვდა. შეხვედრაზე მხარეებმა ორმხრივი თანამშრომლობის საკითხები განიხილეს.
„მნიშვნელოვანია გაგრძელდეს პოზიტიური დინამიკა ბიზნესთან ურთიერთობის მიმართულებით. გაგრძელდება შეხვედრები საქართველოში მოღვაწე ქართველ და უცხოელ ბიზნესმენებთან, რათა მათგან მოვისმინო რა პრიორიტეტები, რა გეგმები აქვთ ინვესტიციებთან დაკავშირებით. თავის მხრივ, მათ გავუზიარებთ ინფორმაციას იმ რეფორმების შესახებ, რომელიც მიმდინარეობს ფინანსთა სამინისტროში საგადასახადო და საბაჟო ადმინისტრირების, ელექტრონული სერვისების დანერგვის, ზოგადად, ინფრასტრუქტურის გაუმჯობესების კუთხით," - განაცხადა დიმიტრი გვინდაძემ შეხვედრის დასრულების შემდეგ.
მისივე განცხადებით, ბიზნესგაერთიანებებთან დიალოგი მომავალშიც ინტენსიურად გაგრძელდება.
