ჩერქეზთა გენოციდისადმი მიძღვნილი მემორიალი სავარაუდოდ ანაკლიაში დაიდგმება.
როგორც ჟურნალისტებს დიასპორისა და კავკასიის საკითხების კომიტეტის თავმჯდომარემ ნუგზარ წიკლაურმა განაცხადა, მას შემდეგ რაც პარლამენტი "რუსეთის იმპერიის მიერ ჩერქეზი ხალხის მიმართ განხორციელებული გენოციდის მსხვერპლთა ხსოვნის უკვდავყოფის შესახებ" დადგენილებას მიიღებს, აღნიშნულზე მთავრობასთან კონსულტაციების გაიმართება.
"კონსულტაციების შემდეგ უკვე შეგვეძლება ვთქვათ, სად შეიძლება მემორიალის და კულტურის ძეგლის დაფუძნება", - აღნიშნა წიკლაურმა და აქვე დასძინა, რომ მემორიალის შექმნაზე საერთაშორისო კონკურის უნდა გამოცხადდეს, სადაც მონაწილეობას შესძლებენ, როგორც ქართველი მოქანდაკეების, ასევე ჩერქეზი და სხვა კავკასიელ მოქანდაკებს.
ამასთან, წიკლაურის შეფასებით, რუსეთის იმპერიის მიერ ჩერქეზთა გენოციდის აღიარება საქართველოს მხრიდან, არის ახალი გეოპოლიტიკური რეალობის დამკვიდრება საქართველოში.
"რუსეთის იმპერიის მიერ ჩერქეზ ხალხის მიმართ გენოციდის მსხვერპლთა უკვდავყოფის შესახებ" დადგენილების პროექტს პარლამენტი 1-ელი ივლისის რიგგარეშე სხდომაზე მიიღებს.
შეგახსენებთ, რომ საქართველოს პარლამენტმა რუსეთის იმპერიის მიერ ჩერქეზი ხალხის გენოციდის აღიარების შესახებ დადგენილება მიმდინარე წლის 20 მაისს დაამტკიცა.
