ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა კობა სუბელიანმა კალიგრაფიის კონკურსში გამარჯვებული 3 დევნილი დააჯილდოვა. კალიგრაფიის კონკურსს ხელნაწერთა ეროვნული ცენტრი სამი წელია ატარებს, რომელშიც მთელი საქართველოს მასშტაბით ათასობით კონკურსანტი მონაწილეობს.
როგორც "ჯი-ეიჩ-ენს" სამინისტროს პრეს-სამსახურიდან აცნობეს, ამჯერად კონკურსს 1300-მდე მონაწილე ჰყავდა. 25 ფინალისტს შორის აღმოჩნდა 3 დევნილი - აფხაზეთის 1 საჯარო სკოლის მოსწავლე თამარ აშორტია (ზუგდიდი); აფხაზეთის მე-2 საჯარო სკოლის მოსწავლე ლედი ჯალაღონია (ზუგდიდი) და ზრდასრულების კატეგორიაში გაიმარჯვა 54 წლის ლეილა ბაღბაიამ.
ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა კობა სუბელიანმა გამარჯვებულ დევნილებს საჩუქრები გადასცა. სკოლის მოსწავლეებმა საჩუქრად აიპოდები მიიღეს, მესამე გამარჯვებულმა კი - ბლექბერი.
სამინისტრო ხელნაწერთა ეროვნულ ცენტრთან აქტიურად თანამშრომლობს. კონკურსში გამარჯვებულმა დევნილმა მოსწავლეებმა სამინისტროსგან საჩუქრები გასულ წელსაც მიიღეს.
