რუსეთის ფედერაციის მიერ სეპარატისტული აფხაზეთისათვის გამოყოფილი 106 ლიმიტიდან რუსეთის უმაღლეს სასწავლებლებში აბიტურიებტებმა სეპარატისტული აფხაზეთიდან მხოლო 52 აითვისეს. ინფორმაციას ამის შესახებ აფხაზური მედია ავრცელებს.
ე.წ. პირველი ვიცე-პრემიერის ლეონიდ ლაკერბაიას ინფორმაციით, ამ რიცხვში არ შედის ის ლიმიტები, რომლებიც რუსეთის საგარეო საქმეთა სამინისტროა თანამშრომლობის ხაზით არის გამოყოფილი. ხოლო ამ ლიმიტების გათვალისწინებით კი აფხაზეთს 150 ადგილი გამოეყო.
"მაგისტრატურაში გამოყოფილი 10 ადგილიდან ათვისებულია 3, სტუდენტებისათვის გამოყოფილი 96 ადგილიდან კი 49. მთავარი პრობლემა არის ის, რომ ბოლო ორი წლის განმავლობაში სკოლადამთავრებულთა რაოდენობა შემცირდა კვოტების რაოდენობა კი გაიზარდა.
ახლანდელი სკოლადამთავრებულები ომის შემდეგ, ძალიან რთულ დროს დაბადებული ბავშვები არიან, რაც შეუძლებელია მათ რაოდენობაზე არ ასახულიყო.
რუსული ლიმიტებით შერჩეულია 30 კურსდამთავრებული სოხუმის სკოლებიდა, 10 გაგრის სკოლებიდან, 4 გუდაუთის სკოლებიდან, 3 ტყვარჩელის სკოლებიდან, 2-2 ბიჭვინთიდან და ახალი ათონიდან და 1 ქალაქ ოჩამჩირიდან", _ აცხადებს ლაკერბაია.