საჯარო სკოლის დირექტორებს პედაგოგიური საქმიანობის პროცესთან დაკავშირებული საათობრივი შეზღუდვა მოეხსნათ. აღნიშნულთან დაკავშირებით "ზოგადი განათლების შესახებ" კანონში პარლამენტის მიერ დამტკიცებული ცვლილებები უკვე ძალაში შევიდა.
დღემდე მოქმედი ნორმის თანახმად, დირექტორის თანამდებობა შეუთავსებელია ნებისმიერ სხვა ანაზღაურებად საქმიანობასთან იმავე სკოლაში. გამონაკლისის სახით, დირექტორი, თუ მას საქართველოს კანონმდებლობის შესაბამისად აქვს პედაგოგიური საქმიანობის განხორციელების უფლება, უფლებამოსილია ეწეოდეს პედაგოგიურ საქმიანობას კანონმდებლობით დადგენილი წესით, მასწავლებლის სრული პედაგოგიური დატვირთვის მესამედამდე, შესაბამისი ანაზღაურებით.
დღემდე არსებული რეგულაცია გამონაკლისს მაღალმთიანი რეგიონებისა და მცირეკონტიგენტიანი სკოლებისთვის უშვებდა საქართველოს განათლებისა და მეცნიერების სამინისტროს თანხმობით.
მიღებული გადაწყვეტილების თანახმად, დირექტორებისთვის დაწესებული შეზღუდვები იხსნება და მათ საშუალება მიეცემათ, პედაგოგიური საქმიანობა განახორციელონ.
