"ბოლოდროინდელმა კვლევამ აჩვენა, რომ ლუდის ზომიერი მოხმარება უკავშირდება ქოლესტერინის შემცველობის გაუმჯობესებას", - აღნიშნავენ სპეციალსიტები FYI Living-ის ერთ-ერთ გამოცემაში.
კვლევის მონაწილეებს, რომლებიც ყოველდღე ლუდის ზომიერ რაოდენობას მოიხმარდნენ, ერთი თვის შემდეგ სისხლში მაღალი სიმკვრივის ლიპოპროტეინის (HDL), ანუ ჯანსაღი ქოლესტერინის უფრო მეტი შემცველობა აღმოაჩნდათ. ეს ეფექტი ქალებში უფრო მეტად აღინიშნებოდა, ვიდრე მამაკაცებში.
მაღალი სიმკვრივის მქონე ლიპოპროტეინები (HDL) მოქმედებენ როგორც ქოლესტერინის შთანმთქმელები სისხლის მიმოქცევის სისტემაში და ამცირებენ დაბალი სიმკვრივის მქონე ქოლესტერინის (LDL - „ცუდი" ქოლესტერინი) სიჭარბეს. სასურველია, მაღალი სიმკვრივის მქონე ლიპოპროტეინის (HDL) შემცველობა 60 მგ/დლ-ს აღემატებოდეს, რაც განაპირობებს გულსისხლძარღვთა დაავადებების შემცირებულ რისკს.
