დამწვრობის ცენტრში 2 წლის ბავშვი მოათავსეს.
ბავშვი თბილისში ოკუპირებული აფხაზეთიდან გადმოიყვანეს. პაციენტს სხეულის 50 % აქვს დამწვარი.
ბავშვის ნათესავების განცხადებით, ელისამედ ობოლაძე სახლში ბებიასთან ერთად იმყოფებოდა, როცა ის ადუღებული წყლით სავსე ვედროში ჩავარდა.
გოგონა რეანიმაციულ განყოფილებაშია მოთავსებული. პირველადი დახმარება მას გალის საავადმყოფოში აღმოუჩინეს.
