იუსტიციის სასწავლო ცენტრში პროკურორთა ეფექტური კომუნიკაციის ტრენერთა სემინარი მიმდინარეობს. ტრეინინგს ამერიკელი ექსპერტები - დევიდ დევილერსი, დენ ჰოუკინსი, ენ მიურეი და სტეისი სამერჰილი უძღვებიან.
სწავლების მიზანია პროკურორთათვის მოწმეებთან და დაზარალებულებთან კომუნიკაციის სტანდარტის შემუშავება. სემინარის მიმდინარეობისას განიხილება ისეთი საკითხები, როგორიცაა - ტრავმული გამოცდილების მქონე დაზარალებულების მახასიათებლები, მათთან და მოწმეებთან კომუნიკაციის ეფექტურობის განმსაზღვრელი ფაქტორები და სხვა. ტრეინინგი ინტერაქტიულია, მისი მონაწილეები სწავლების პროცესში გამოიმუშავებენ პრაქტიკულ უნარ-ჩვევებს, რომლებიც პროკურორებს მოწმეებთან და დაზარალებულებთან ეფექტურ კომუნიკაციაში დაეხმარებათ.
პროექტი ხორციელდება მოწმისა და დაზარალებულის კოორდინატორის პროგრამასთან ერთად, რომელიც მთავარი პროკურატურის კიდევ ერთ სიახლეს წარმოადგენს. მოწმისა და დაზარალებულის კოორდინატორის პროგრამა მიზნად ისახავს მოქალაქეებთან კომუნიკაციის ხარისხის გაუმჯობესებას, სისხლის სამართლის საქმის მსვლელობისას მოწმეებისა და დაზარალებულებისადმი სამართლიანი და ღირსეული მოპყრობის უზრუნველყოფასა და მათი სრულად ინფორმირებას საქმის მსვლელობის ყველა ეტაპზე.
ეფექტური კომუნიკაციის ტრეინინგი აშშ-ის იუსტიციის დეპარტამენტთან თანამშრომლობით ხორციელდება და მას ეტაპობრივად ყველა პროკურორი გაივლის