ბათუმის ახალ ბულვარში, ახალი ყინულის სასახლე დამონტაჟდა. ოლიმპიური სტანდარტების ყინულის სასახლე 2500 მაყურებელზეა გათვლილი.
60 მეტრი სიგრძისა და 30 მეტრი სიგანის ყინულის საფარი სლოვაკმა სპეციალისტებმა დაამონტაჟეს.
ოლიმპიური სტანდარტების ყინულის სასახლე მაღალი ხარისხის აკუსტიკური სისტემით გამოირჩევა. სასახლეში ამ დროისთვის ფიგურულ სრიალს 200 მოსწავლე ეუფლება. ყინულის სასახლეში სამუშაოები 1 აგვისტოს დასრულდება.
