პარლამენტის წევრთა რაოდენობის გაზრდა მხოლოდ რეფერენდუმის ჩატარების საფუძველზეა შესაძლებელი. ამის შესახებ "ჯი-ეიჩ-ენს" საქართველოს კონსტიტუციის ერთ-ერთმა ავტორმა, ვახტანგ ხმალაძემ განუცხადა.
"რეფერენდუმის შესახებ ორგანული" კანონის მიხედვით, რეფერენდუმით მიღებული გადაწყვეტილება შეიძლება შეიცვალოს მხოლოდ რეფერენდუმით. ასეთია ნორმა და ამ ნორმას დიემეტრულად ეწინააღმდეგება შეფასება, თითქოს 2003 წელს ჩატარებული რეფერენდუმის შედეგების საფუძველზე პარლამენტმა უკვე შეამცირა დეპუტატთა რაოდენობა 150-მდე და ეს ამით დამთავრდა, ახლა კი საკანონმდებლო ორგანოს ნებისმიერი გადაწყვეტილების მიღება შეუძლია, მათ შორის წევრთა რაოდენობის გაზრდისა და შემცირების შესახებ. ეს აბსოლუტურად არასწორია", - განუცხადა ხმალაძემ "ჯი-ეიჩ-ენს".
მისი განმარტებით, რეფერენდუმის ჩატარების გარეშე პარლამენტს მხოლოდ დეპუტატთა რაოდენობის შემცირება შეუძლია, გაზრდის უფლება კი არ აქვს.
შეგახსენებთ, რომ საარჩევნო გარემოს გაუმჯობესებასთან დაკავშირებით ხელისუფლების მიერ ოპოზიციისთვის შეთავაზებული წინადადებათა პაკეტი პარლამენტის წევრთა 190-მდე გაზრდას ითვალისწინებს.
