ღონისძიება საქართველოში ნატოს სამეკავშირეო ოფისისა და სამოქალაქო ინსტიტუციონალიზმის განვითარების ფონდის დაფინანსებით და ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატის ხელშეწყობით ტარდება.

პროექტი ხორციელდება არასამთავრობო ორგანიზაცია "გზა ნატოსკენ" და საინფორმაციო ცენტრის ნატო-ს შესახებ ინიციატივით.

ღონისძიებაში მონაწილეობენ როგორც დედაქალაქში, ასევე, საქართველოს რეგიონებში მომუშავე ჟურნალისტები.

ექსპერტებსა და პოლიტიკოსებთან ერთად ჟურნალისტები განიხილავენ ნატოს თემატიკასთან დაკავშირებულ აქტუალურ საკითხებს. სემინარების მსვლელობისას ვიდეოხიდის მეშვეობით ბრიუსელიდან ჩაერთვებიან ნატოს ოფიციალური პირები.

სემინარში მონაწილე ჟურნალისტებს გადაეცემათ ნატო-ს სამეკავშირეო ოფისის ხელმძღვანელისა და ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრის მიერ დამოწმებული სერტიფიკატები.