დღეს, 26 ივნისს, წამების მსხვერპლთა მხარდაჭერის საერთაშორსო დღეს 18:00 საათზე, თბილისის ადამიანის უფლებათა სახლის წევრი ორგანიზაციები - ადამიანის უფლებათა ცენტრი, წამების მსხვერპლთა ფსიქო-სოციალური და სამედიცინო რეაბილიტაციის ცენტრი, კავშირი „საფარი" და კონსტიტუციის 42-ე მუხლი 9 აპრილის (ყოფილი ალექსანდროვის) ბაღში წამების მსხვერპლთა მხარდაჭერის ერთობლივ აქციას გამართავენ.
როგორც აქციის ორგანიზატორები აცხადებენ, ღონისძიების სლოგანია: „საქართველო წამებისაგან თავისუფალი ზონა"
9 აპრილის პარკში, ასევე, მოეწყობა წამების იარაღების გამოფენა.
19:00 საათზე, აქციის მონაწილეები მოსწავლე-ახალგაზრდობის სასახლის წინ გადაინაცვლებენ და თეატრალიზებულ აქციას გამართავენ.
ღონისძიების მიზანია, კიდევ ერთხელ გაამახვილოს საზოგადოების ყურადღება წამების ფაქტებზე.
"ამასთან, გვინდა, კვლავ მოვუწოდოთ სახელმწიფოს, არ დაუშვას წამება და არაადამიანური მოპყრობა და გამოიძიოს ყველა მსგავსი ფაქტი", - აცხადებენ ორგანიზატორები.