ფიფა-ს ორი მაღალჩინოსნის - ჯეკ უორნერისა და მოჰამედ ბინ ჰამამის წინააღმდეგ საგამოძიებო კომისიამ ოფიციალური სამხილები გამოაქვეყნა. ორივე მათგანი ყველა ბრალდებას უარყოფს.
ჯერჯერობით უცნობია, კონკრეტულად რა სამხილებზეა საუბარი და რა ნაბიჯებს გადადგამს ფიფა კორუფციაში ეჭვმიტანილი მაღალჩინოსნების წინააღმდეგ. წინასწარი ინფორმაციით, მათ უკანონო გარიგებაში ადანაშაულებენ.
ფიფა-ში სკანდალი მსოფლიო ჩემპიონატის მასპინძელი ქვეყნების დასახელების შემდეგ აგორდა. მსოფლიო ფეხბურთის მმართველი ორგანოს წარმომადგენლები, მათ შორის ფიფა-ს პრეზიდენტი ზეპ ბლატერი კორუფციასა და გარიგებაში დაადანაშაულეს.
