საქართველოში საფრანგეთის ელჩი ერიკ ფურნიე 2008 წლის აგვისტოს ომთან დაკავშირებით გაკეთებული სკანდალური განცხადების გამო ბოდიშს იხდის.
როგორც საქართველოს საგარეო საქმეთა სამინისტროს ევროპის დეპარლამენტის ხელმძღვანელი გიგი გიგიაძე აცხადებს, დიპლომატს გაკეთებულ განცხადებაზე ახსნა-განმარტების მიცემა საგარეო უწყებაში მოუწია.
"ჩვენი გაკვრივება გამოიწვია ბატონ ფურნიეს მიერ „თბილისელებისთვის" მიცემულმა ინტერვიუმ. შესაბამისი ახსნა-განმარტებისთვის ის დაბარებულ იქნა საგარეო საქმეთა სამინისტროში. მან ბოდიში მოიხადა შექმნილი გაუგებრობისთვის და მკაფიოდ აღნიშნა, რომ მისი ინტერვიუ არ იყო შეთანხმებული ოფიციალურ პარიზთან და მის მიერ გაკეთებული განცხადება არ წარმოადგენს საფრანგეთის ხელისუფლების პოზიციას", - აცხადებს საგარეო უწყების მაღალჩინოსანი.
შეგახსენებთ, რომ ფრანგმა დიპლომატმა რამდენიმე დღის წინ აღნიშნული ჟურნალისთვის მიცემულ ინტერვიუში რუსეთ-საქართველოს 2008 წლის ომთან დაკავშირებით საფრანგეთის ხელისუფლების ოფიციალური პოზიციისგან რადიკალური განსხვავებული შეფასება დააფიქსირა და აღნიშნა, რომ აგრესორი და კონლფიქტის ინსპირატორი არა რუსეთი, არამედ საქართველო იყო.
