პირი, რომელსაც სანოტარო საქმიანობასთან დაკავშირებით ჩადენილი დანაშაულის გამო დაკისრებული ნასამართლეობა მოეხსნება, ნოტარიუსის თანამდებობას მაინც ვერ დაიკავებს. აღნიშნულთან დაკავშირებით ცვლილება შედის "ნოტარიატის შესახებ" კანონში.
კანონში ჩნდება ახალი პრიმა ქვეპუნქტი, რომლის თანახმადაც, ნოტარიუსის თანამდებობაზე დანიშვნაზე უარის თქმის საფუძვლებს კიდევ ერთი ემატება.
კანონპროექტის თანახმად, იმ შემთხვევაშიც კი, თუ პირი ნასამართლევია, უშუალოდ სანოტარო საქმიანობასთან დაკავშირებით დანაშაულის ჩადენისთვის, მიუხედავად ნასამართლეობის მოხსნისა ან გაქარწყლებისა, ნოტარიუსის თანამდებობის დაკავება ეკრძალება.
საკანონმდებლო ინიციატივის განმარტებით ბარათში ნათქვამია, რომ ნოტარიუსთა საკვალიფიკაციო გამოცდას, საქართველოს ნოტარიუსთა პალატის ნაცვლად, იუსტიციის სამინისტროს სასწავლო ცენტრი ჩაატარებს.
