25 და 26 ივნისს, თბილისში, ვარდების რევოლუციის მოედანზე უკვე მეორედ გაიმართება „თბილისის ლუდის ფესტივალი", რომელიც, გასული წლის მსგავსად 2 დღის განმავლობაში გაგრძელდება და გაცილებით უფრო მასშტაბური ღონისძიება იქნება. ამით, ევროპის სხვადასხვა ქვეყნებში გავრცელებული ლუდის ფესტივალების ქართული ანალოგი ტრადიციულ სახეს იღებს.
"ნატახტარის" ლუდის ფესტივალი, სადაც ყველა მსურველს უფასოდ შეუძლია მოხვედრა, უამრავი გასართობი და საინტერესო კომპონენტისგან შედგება. ვარდების რევოლუციის მოედანზე იქნება დამონტაჟებული სპეციალური სცენა, სადაც გაიმართება ცოცხალი კონცერტი ცნობილი ქართული ჯგუფების მონაწილეობით. საკონცერტო პროგრამა შედგება სხვადასხვა შემსრულებლისგან, მათ შორის არიან „მგზავრები", ჯგუფი „ფრანი", „როდრიგესი", სალომე კორკოტაშვილი და 4 ცნობილი პაბის ბენდი.
„ნატახტარის ლუდის ფესტივალზე" ერთდროულად შეძენილ ყოველ 5 კათხა ლუდზე სტუმარი მიიღებს 1 ბილეთს, სადაც ექნება შანსი რომ მოიგოს 5 სხვადასხვა ტიპის საჩუქარი: ქუდი, უფასო ლუდის, სათვალე, კათხა და მაისური. ასევე მოეწყობა თამაშები და სხვა გასართობი ღონისძიებები. ტერიტორიაზე ორგანიზატორების გადაწყვეტილებით განთავსდება 4 კვების ობიექტი, რომელთა სამზარეულო განსხვავებული იქნება. ვარდების მოედანზე, ასევე, დაიდგმება ხის გრძელი მაგიდები და მთელს ტერიტორიაზე დაიდება თივის შეკვრები. დასავლური ლუდის ფესტივალების ანალოგიურად, აქაც გაიყიდება ღონისძიების ლოგოიანი სამახსოვრო სუვენირები და საჩუქრები. აღსანიშნავია, რომ წელს ლუდის ფესტივალზე, „ნატახტარის ლიმონათის" ორგანიზებით მოეწყობა სპეციალური კუთხე ბავშვებისათვის,
ფესტივალის ორგანიზატორია კომპანია „ნატახტარი" და ქალაქ თბილისის მერია. ღონისძიების მენეჯმენტს ახორციელებს კომპანია „ბეთერფლაი". მხარდამჭერები არიან კულტურისა და ძეგლთა დაცვის სამინისტრო და ტურიზმის ეროვნული სააგენტო. ფესტივალის საზოგადოებასთან ურთიერთობას უზრუნველყოფს კომპანია „ჯეპრა".
2010 წლის ივნისში დაფუძნდა პირველი მასშტაბური ლუდის ფესტივალი, რომელსაც რეგიონის მასშტაბით ანალოგი არ გააჩნია. თბილისის ცენტრში, ვარდების რევოლუციის მოედანზე 2 დღის განმავლობაში თბილისელებსა და დედაქალაქის სტუმრებს საშუალება ჰქონდათ დასწრებოდნენ უწყვეტ ზეიმს, რომელიც მოიცავდა ლუდის გასართობ და საკონცერტო პროგრამას. ფესტივალის ორგანიზების უპირველეს მიზანს წარმოადგენდა ლუდის სმის კულტურის განვითარება, თანამედროვე სტანდარტების ღონისძიების მოწყობას და მის მსოფლიო საფესტივალო სივრცეში ინტეგრირებას. 2 დღის განმავლობაში საფესტივალო ტერიტორიაზე განთავსებულ სცენაზე გაიმართა 7 ბენდის კონცერტი. წამყვანების მიერ მოეწყო წამახალისებელი გათამაშებები და შეჯიბრებები. საფესტივალო ტერიტორია ღია იყო 12 საათიდან გვიან ღამედე. 2 დღის განმავლობაში ფესტივალს დაესწრო 20 ათასამდე სტუმარი.
