რუსეთის ნაციონალური ანტიტერორისტული კომიტეტის საინფორმაციო ცენტრის ინფორმაციით, დაღესტანში ჩატარებული სპეცოპერაციის შედეგად რამდენიმე ტერორისტული აქტის განხორციელება იქნა აღკვეთილი.
"ე.წ. სიკვდილის ლაბორატორიის დროულმა განადგურებამ და ასაფეთქებელი ნივთიერებების მოსპობამ რომელთა საერთო სიმძლავრე 90 კგ. ტროტილის ექვივალენტს უდრიდა, საშუალება მოგვცა დაღესტნის რესპუბლიკის ტერიტორიაზე ტეროტისტული აქტების განხორციელების სერია და უამრავი ადამიანის დაღუპვა აგვერიდებინა თავიდან", _ ნათქვამია ანტიტერორისტული კომიტეტის საინფორმაციო ცენტრის მიერ გავრცელებულ განცხადებაში და იქვე აღნიშნულია, რომ რამდენიმე დღის წინ ე.წ. "ყიზლარის დივერსიულ-ტერორისტული ჯგუფის წევრი" დააკავეს, რომელიც იყო "ამფეთქებელი" აღნიშნული ჯგუფისა და თანამონაწილე იყო თვითნაკეთი ასაფეთქებელი საშუალებების შექმნისა, რომლებიც სარკინიგზო ტრანსპორტის ასაფეთქებლად მზადდებოდა.
მასალის გამოყენების პირობები
