„ისინი ქალაქში ადგილობრივი დროით 7:00 ზე შევიდნენ, მე შევძელი დამეთვალა 9 ტანკი, 10 ტყვიაგაუმტარი მანქანა, 20 ჯიპი და 10 ავტობუსი ... ჯარისკაცებმა ცეცხლი 2 საცხოვრებელი სახლის მიმართულებით გახსნეს" _ წერს სააგენტო.

გასულ კვირას შეიარაღებულმა ბოევიკებმა აიღეს ქალაქი ჯისრ-აშ-შუგური, ინცინდენტს 120 პოლიციელის და სხვა სამართალდამცავი ორგანოს წარმომადგენლის სიცოცხლე შეეწირა. სირიის ხელისუფლებამ შეძლო და ქალაქზე კონტროლი გასულ შაბათსვე აღადგინა. .

გაერთიანებული ერების ორგანიზაციის მონაცემებით 8 500 დევნილი სირიის ჩრდილოეთ რაიონებიდან იძულებული გახდა თავი თურქეთისთვის შეეფარებინა, სადანც ისინი ადგილობრივი ხელისფლების მიერ შემოსაზღვრულ კარვების ქალაქში განთავსდნენ.

სირიის სამხედრო ხელმძღვანელობის წარმომადგენლების განცხადებით, მოცემულ მომენტში ჯარი ჯისრ-აშ-შუგურის მიმდებარე რეგიონებში აგრძელებს გადარჩენილ ბოევიკების დევნას.

სირიაში არეულობა მარტის შუა რიცხვებში იორდანიის საზღვართან მდებარე ქალაქ დერააში დაიწყო და შემდგომ სხვა რეგიონებშიც გავრცელდა, სირიის სამართალდამცავი ორგანოები იუწყებიან, რომ უშიშროების ძალებთან შეტაკებებს 1200 ადამიანი ემსხვერპლა.

ოფიციალური მონაცემებით ტერორისტულ დაჯგუფებებთან შეტაკებებს, რომლებსაც სირიის ხელისუფლება ქვეყანაში მიმდინარე მოვლენებზე აკისრებს პასუხისმგებლობას 300 სამხედროს და სხვა სამართალდამცავი ორგანოს წარმომადგენელის სიცოცხლე ემსხვერპლა.