დსთ-ს ქვეყნების ინსტიტუტის დირექტორი, რუსეთის დუმის დეპუტატი კონსტანტინე ზატულინი ოს სეპარატისტთა მედიაში ინსტიტუტის სახელით წერილს აქვეყნებს, რომელშიც ე.წ. სამხრეთ ოსეთში პოლიტიკური ვითარების დაძაბვის გამო შეშფოთებას გამოხატავს.
"დსთ-ს ქვეყნების ინსტიტუტში რღმად შეშფოთებულნი არიან სამხრეთ ოსეთის რესპუბლიკაში მდგომარეობის გამწვავების გამო, რომელიც ნოემბერში დაგეგმილ საპრეზიდენტო არჩევნებთან არის დაკავშირებული. როგორც ცნობილია, ამ არჩევნებში კონსტიტუციის მიხედვით, ვერ და არ მიიღებს მონაწილებას მოქმედი პრეზიდენტი ედუარდ კოკოითი",_ წერს ზატულინი და დასძენს, რომ კოკოითის წასვლის გამო ე.წ. სამხრეთ ოსეთის საზოგადოებაში არის შეშფოთება, ვინაიდან სწორედ "კოკოითთან არის დაკავშირებული სამხრეთ ოსეთის ხალხის დამოუკიდებლობისათვის ბრძოლის ყველაზე კაშკაშა ეპიზოდები".
"სწორედ მომავლის გაურკვევლობამ წარმოშვა რეფერენდუმის ჩატარებისა და ედუარდ კოკოითის მესამე ვადით არჩევის შესაძლებლობის იდეა. რუსეთში მყოფი სამხრეთ ოსეთის გულწრფელი მეგობრების თვალში ედუარდ კოკოითი იყო და დარჩება თავისი ხალხის მამაცი წინამძღოლი, რომლის დასახმარებლადაც მივიდა რუსეთი 2008 წლის აგვისტოში. კოკოითის გადაწყვეტილება კი არ შეცვალის კონსტიტუცია და ამით მესამე ვადით პრეზიდენტად არ იყაროს კენჭი პატივისცემის ღირსია", _ ნათქვამია ზატულინის წერილში.
დსთ-ს ქვეყნების ინსტიტუტის დირექტორი ასევე წერს, რომ ედუარდ კოკოითი ვალდებულია თანამდებობიდან წასვლის შემდეგ აქტიური როლი ითამაშოს ე.წ. სამხრეთ ოსეთის პოლიტიკურ ცხოვრებაში.
