„თავისუფალი საქართველო"-ს ქუთაისის საქალაქო ორგანიზაცია ადგილობრივ ხელისუფლებას საჯარო ინფორმაციის გასაიდუმლოებაში ადანაშაულებს. როგორც პარტიაში იუწყებიან, „თავისუფალი საქართველო"-ს ქუთაისის რაიონულმა ორგანიზაციამ 2011 წლის 11 მაისს წერილით (განაცხადის რეგისტრაციის N01-317) მიმართა ქ.ქუთაისის მერიას და მოითხოვა ინფორმაცია იმის შესახებ თუ რა თანხა გამოიყო ქალაქის ბიუჯეტიდან დავით აღმაშენებლის გამზირზე მიმდინარე სამუშაოებზე (პალმების დარგვა, ველობილიკების მშენებლობა, ხეების ამოთხრა და გადანერგვა სულხან-საბას გამზირზე და ა.შ) . მათი მტკიცებით, აღნიშნულ წერილზე პასუხი მერიას დღემდე არ გაუცია.
„ზემოთ აღნიშნული ფაქტი წარმოადგენს „საჯარო ინფორმაციის შესახებ" კანონის დარღვევას.მოვუწოდებთ ქალაქის მერიას ნუ შეეცდებიან საჯარო ინფორმაციის გასაიდუმლოებას და დროულად მოგვაწონ ჩვენს მიერ მოთხოვნილი დოკუმენტი, წინააღმდეგ შემთხვევაში მივმართავთ სასამართლოს", - განაცხადა პარტია „თავისუფალი საქართველო"-ს ქუთაისის საქალაქო ორგანიზაციის თამჯდომარე ზვიად წაქაძემ.
