საქართველო-თურქეთის საზღვრის გადაკვეთა მხოლოდ ახალი, ორენოვანი პირადობების მოწმობებით იქნება შესაძლებელი.
ამის შესახებ ორშაბათის ტრადიციულ პრესკონფერენციაზე საქართველოს საგარეო საქმეთა მინისტრის მოადგილე ნინო კალანდაძემ განაცხადა.
მისი თქმით, მართალია, თურქეთთან სავიზო რეჟიმის გამარტივებაზე შეთანხმებას 31 მაისს მოეწერა ხელი, თუმცა ის მას შემდეგ შევა ძალაში, რაც თურქული მხარე ყველა საჭირო ტექნიკურ პროცედურას დაასრულებს.
"ქართულ მხარეს ეს პროცედურები უკვე დასრულებული აქვს. ველოდებით, როდის დაასრულებს მას თურქული მხარე,"-განაცხადა კალანდაძემ.
მანვე საქართველოს მოქალაქეებს მოუწოდა, ამ ეტაპზე თავი შეიკავონ პირადობების მოწმობებით საზღვრის გადაკვეთის მცდელობისგან.
