როგორც "ჯი-ეიჩ-ენს" აქციის ორგანიზატორებმა აცნობეს, აქციის ფარგლებში მოსახლეობას სხვადასხვა საინფორმაციო ტიპის ფლაერები და სტიკერები დაურიგდა, რომლებიც სპეციალურად მძღოლებისთვის დამზადდა.

აქციის ფარგლებში, აგრეთვე, დარიგდება ფეხითმოსიარულეებისთვის სპეციალური ე.წ. ამრეკლი საშუალებები, რომელიც მათ სიბნელეში გადაადგილებისას დაეხმარებათ, რათა უკეთ ხილვადები იყვნენ მძღოლებისთვის.

"ფონდი გეგმავს, რომ ზაფხულის პერიოდში განსაკუთრებით გააქტიურდეს საკურორტო ზონების მიმართულებით, რადგან მოძრაობა გზებზე განსაკუთრებით გადატვირტულია ზაფხულის მოსვლასთან დაკავშირებით, აქედან გამომდინარე მოსახლეობას ჭირდება კიდევ ერთხელ შეხსენება, რომ საგზაო მოძრაობის წესების დაცვით გადაადგილება ჩვენი უსაფრთხოების გარანტია", - აცხადებენ ფონდში.

,,პარტნიორობა საგზაო უსაფრთხოებისთვის" მსოფლიო საავტომობილო ფედერაციის ფონდის (FIA Foundation) მიერ დაარსებული ორგანიზაციაა, რომელიც საგზაო უსაფრთხოების საკითხებზე მუშაობს.