დემოკრატიული მოძრაობის ლიდერის, ნინო ბურჯანაძის განცხადებით, სახალხო კრებასთან ერთად 26 მაისს ლეიბორისტული პარტია და ეროვნული ფორუმი რომ ყოფილიყო, ხელისუფლება აუცილებლად შეიცვლებოდა.
"თუმცა, სამწუხაროდ, ასე არ მოხდა და ის ძალები, რომლებიც ხალხის გვერდში უნდა მდგარიყვნენ, სახალხო კრებისგან მაქსიმალურად გაიმიჯნენ. ლეიბორისტები და ფორუმი რომ 26 მაისს ჩვენთან ერთად დამდგარიყო, ჩვენ ვიქნებოდით ის ძალა და გვეყოლებოდა ხალხის ის რაოდენობა, რომელსაც ხელისუფლება ასეთ რამეს ვერ დაუპირისპირებდა. ვეღარ გაბედავდა ხელისუფლება, რომ ჩაეტარებინა სადამსჯელო ღონისძიება და საქართველოში დაემყარებინა დიქტატურა", - განაცხადა ბურჯანაძემ.
ბურჯანაძე მოუწოდებს ოპოზიციურ პარტიებს, რომლებიც რეალურად იბრძვიან ხელისუფლების წინააღმდეგ, გაერთიანდენ და საერთო გზებით დაამხონ საქართველოში დამყარებული დიქტატორული რეჟიმი.
