პარლამენტის თავმჯდომარე დავით ბაქრაძემ დიდი ბრიტანეთის საგარეო და თანამეგობრობის საქმეთა სახელმწიფო მდივანს, უილიამ ჰეიგს, საქართველოს ოკუპირებულ ტერიტორიებზე არსებული ვითარება გააცნო.
ბაქრაძემ ბრიტანეთის საგარეო პოლიტიკური უწყების ხელმძღვანელს ინფორმაცია მიაწოდა ბოლო პერიოდში საქართველოში არსებული ვითარებისა და საგარეო პოლიტიკის კუთხით განვითარებული მოვლენების შესახებ.
მხარეებმა უსაფრთხოების საკითხებზე ისაუბრეს. ბაქრაძემ აღნიშნა, რომ რუსეთის მიერ კონტროლირებადი ოკუპირებული ტერიტორიებიდან არის დივერსიული აქტების მომზადების შემთხვევები, რაც დესტაბილიზაციას უქმნის რეგიონის უსაფრთხოებას.
გაერთიანებული სამეფოს საგარეო და თანამეგობრობის საქმეთა სახელმწიფო მდივანმა უილიამ ჰეიგმა საქართველოს სუვერენიტეტისა და ტერიტორიული მთლიანობისადმი გაერთიანებული სამეფოს მხარდაჭერა დააფიქსირა.
ბაქრაძე ბრიტანული მედიის წარმომადგენლებსაც (The Economist, The Financial Times, The Daily Telegraph, The Commentator, Conservative Home) შეხვდა.
