'
კომპანია ''BATUM MEAT COMBINAT''-ი ხელვაჩაურში მეცხოველეობის ფერმას აშენებს, სადაც იმავდროულად ხორცის წარმოებისათვის სასაკლაო მეურნეობა ამოქმედდება.
აჭარის სოფლის მეურნეობის სამინისტროს ინფორმაციით, ამ ეტაპისათვის მიმდინარეობს ფერმის ძირითადი შენობის, სასაკლაო მეურნეობის შენობისა და დამხმარე მეურნეობის სარემონტო სამუშაოები. სამუშაოების დასრულება დაგეგმილია მიმდინარე წლის აგვისტოს ბოლომდე.
ივნისის თვის ბოლომდე თურქეთიდან შემოტანილი იქნება სასაკლაოს ტექნოლოგიური მანქანა-დანადგარები. მიმდინარე წელს დაგეგმილია 250 სული მსხვილფეხა რქოსანი პირუტყვის შემოყვანა.
