"სახალხო კრების" ერთ-ერთი ლიდერი ნინო ბურჯანაძე რუსეთის "პირველი არხით" გასულ ფილმს ეხმაურება, რომელშიც თავდაცვის ყოფილი მინისტრი ირაკლი ოქრუაშვილი საქართველოს ხელისუფლების მიერ ჩეჩენი მებრძოლების მფარველობაზე საუბრობს.
"სამწუხაროდ ფილმი არ მინახავს, მაგრამ მე არაერთხელ გამიფრთხილებია მიხეილ სააკაშვილი, რომ ფრთხილად ყოფილიყო იმ თემებთან დაკავშირებით, რომლებზეც, როგორც ვიცი ოქრუაშვილმა ამ ფილმში ისაუბრა. კერძოდ იგივე ჩერქეზების გენოციდის აღიარება. ფრთხილად იყოს ხელისუფლება, ქვეყანა ხელში არ შემოგვეშფვნას", - აცხადებს ბურჯანაძემ.
შეგახსენებთ, რომ რუსეთის პირველმა არხმა მოამზადა ანტონ ვერნიცკის ფილმი სახელწოდებით „კავკასიური გეგმა - მეტასტაზები", რომლის ერთ-ერთი რესპონდენტია საქართველოს ყოფილი თავდაცვის მინისტრი ირაკლი ოქრუაშვილი. ოქრუაშვილი ადასტურებს, რომ აჩიმეზ გოჩიაევს, რომელიც 1999 წელს მოსკოვსა და ვოლგადონსკში საცხოვრებელი სახლების აფეთქების ორგანიზატორი იყო, ქართველებმა არაერთხელ მისცეს კორიდორი.
ოქრუაშვილის თქმით, ამის მომსწრე თავად არის, ამ საკითხების გადაწყვეტით დაკავებული იყო შს სამინისტრო, საქმის კურსში იყო სააკაშვილიც. ფილმში ოქრუაშვილი საუბრობს აშშ-ს როლზეც, 2008 წლის რუსეთ-საქართველოს ომში.
