მოდერნიზებული სარფის საბაჟო პუნქტი ოფიციალურად გაიხსნა. საბაჟო-გამშვები პუქნტის გახსნას, საქართველოს პრეზიდენტი და თურქეთის პრემიერ-მინისტრი რეჯებ ტაიპ ერდოღანი დაესწრენე. თურქეთის პრემიერ-მინისტრი ბათუმში სპეციალურად ამ ღონისძიებისთვის ჩამოფრინდა.
საქართველოს პრეზიდენტი ამბობს, რომ სარფის საბაჟო პუნქტი თანამედროვე სტანდარტებითაა აღჭურვილი. ახალ საბაჟო პუნქტზე მომსახურება და პროცედურები კიდევ უფრო გამარტივდება. საერთაშორისო სტანდარტებზე გათვლილ შენობაში არის მოსაცდელი დარბაზები და კაფეები. მებაჟეებს წუთში 10 მსუბუქი მანქანისა და 9 ტრაილერის მიღება შეეძლებათ, დღე-ღამეში კი ადგილზე დასაქმებულები 600-მდე სატრანსპორტო საშუალებას მოემსახურებიან.
შენობის კეთილმოწყობაში 16 მილიონი ლარი დაიხარჯა. ახალი ობიექტი გერმანელმა არქიტექტორმა-იურგენ მაიერმა დააპროექტა.
"დღეს ჩვენ გავხსენით, მსოფლიოში ყველაზე თანამედროვე და საუკეთესო გადასასვლელი. მე ძალიან კარგად მახსოვს 2004 წელს, რეჯებ ტაიპ ერდოღანის ვიზიტი ბათუმში, როცა საქართველო იყო დანგრეული და გავერანებული. მახსოვს რამხელა დასაწყისი იყო ეს ჩვენს ურთიერთობებში. თურქეთის პრემიერ-მინისტრი არის სიტყვის კაცი, რასაც ამბობს ის კეთდება. ჩვენ ვთქვით, რომ იქნებოდა ერთობლივი აეროპორტი და ჩვენ ეს გავაკეთეთ. ჩვენ ვთვით, რომ იქნებოდა უვიზო მიმოსვა და საქართველოსა და თურქეთს შორის უკვე უვიზო მიმოსვლაა. მან თქვა, რომ ხელს შეუწყონდა საქართველოში ინვესტიციების შემოსვლას და ყველამ ვნახეთ, საქართველოში თუ რამდენი თურქი ინვესტორი შემოვიდა. ჩვენ ვთქვით, რომ იქნებოდა ძალიან სერიოზული განვითარება პოლიტიკური ურიერთობების ყველა დონეზე. ჩვენ შეგვიძლია თურქეთის იმედი გვქონდეს ყველა საერთაშორისო ორგანიზაციაში. ეს არის სამაგალითო თანამშრომლობა", - განაცხადა საქართველოს პრეზიდენტმა.
საბაჟო გამშვები პუნქტი დააჩქარებს და კომფორტულს გახდის საბაჟო გაფორმების პროცესს, როგორც ფიზიკური პირებისთვის, ასევე ტვირთებისთვის. ახალი საბაჟო ინფრასტრუქტურა ხელს შეუწყობს არა მხოლოდ ტვირთბრუნვის, არამედ ქვეყანაში ტურისტული ნაკადის გაზრდას.
