სმოლენსკის ტრაგედიიდან ერთი წლის შემდეგ რუსეთი მზადაა, პრეზიდენტის ტუ-154 -ის ნამსხვრევები ექსპერტიზის მიზნით პოლონეთს გადასცეს. ამის შესახებ News from Poland-ი იტყობინება.
პოლონელი სპეციალისტები აგვისტოს ბოლოს ჩავლენ მოსკოვში, რათა ამ მასშტაბური ღონისძიებისთვის მოემზადონ.
თვითმფრინავის ნამსხვრევების დაბრუნების ზუსტი თარიღი არ კონკრეტდება. ამის შესახებ განცხადება რუსეთის გენპროკურორ იური ჩაიკასთან შეხვედრის შემდეგ გაკეთდა.
შეგახსენებთ, პოლონური მხარე ტრაგედიისთანავე ცდილობდა, თვითმფრინავის ნაწილები დაებრუნებინა. რუსეთი მათ დაბრუნებას გამოძიების დასრულების შემდეგ ჰპირდებოდა.