სახალხო დამცველი გიორგი ტუღუში სამართალდამცველების მხრიდან არაადეკვატური ძალის გამოყენების ფაქტებზე საუბრობს. ამის შესახებ განცხადება ტუღუშმა დღეს პარლამენტში ადამიანის უფლებათა დაცვის კომიტეტის სხდომაზე სახალხო დამცველის 2009 წლის პირველი ნახევრის ანგარიშის განხილვისას გააკეთა.
როგორც ტუღუშმა აღნიშნა, საანგარიშო პერიოდში სახალხო დამცველის ოფისში შესული დოკუმენტები პოლიციის მხრიდან პირთა აყვანის დროს ძალთა გადამეტების გამოყენებასთან დაკავშირებით.
ტუღუშის თქმით, ასეთი ფაქტები განსაკუთრებით დასავლეთ საქართველოშია გახშირებული და იგი მიმართავს როგორც შსს-ს ხელმძღვანელობას, ასევე მთავარ პროკურატურას, რათა აღნიშნულ ფაქტებზე მოხდეს რეაგირება.
სახალხო დამცველი მთავარ პროკურატურას მიმართავს, რომ მოხდეს აღნიშნული ფაქტების შესწავლა შსს-ს ხელმძღვანელობას კი მოუწოდებს, გამოკვლეული იქნას აღნიშნული ფაქტები და სამართალდამცავებს ჩაუტარდეთ ინსტრუქტაჟი თუ როგორ უნდა ხდებოდეს პირის დაკავება.
გარდა ამისა, ტუღუში საუბრობს იმ ფაქტებზეც, რომ მთავარი პროკურატურის მხრიდან ხშირად ხდება საქმეების არაგონივრულ ვადაში გამოძიება და ასევე არაეფექტური გამოძიება.
