"ეროვნული ფორუმის" ერთ-ერთ ლიდერ გუბაზ სანიკიძის განცხადებით, იმ შემთხვევაში თუ ქვეყანაში არეულობები დაიწყო, ქვეყნის შიდა საქმეებში სხვა ქვეყნების ჩარევა გამორიცხული არ არის.
"ქვეყნისთვის ძალიან საინტერესო და რთული პერიოდია. თუ მოხდა ისე რომ ქვეყანაში არეულობები დაიწყო, შიდა საქმეებში შესაძლოა რამდენიმე ქვეყანა ჩაერიოს. ეს შეიძლება იყოს როგორც რუსეთი და სხვა მეზობელი ქვეყნები, ასევე მეზობლების გარდა არსებული ქვეყნებიც", - განაცხადა სანიკიძემ "კავკასიის ინტერნეტ მედია კლუბში" ჟურნალისტებთან შეხვედრისას.
მისი თქმით, ქვეყანაში მოვლენების შემდგომი განვითარება მთლიანად საქართველოს ხელისუფლებაზეა დამოკიდებული.
"ხელისუფლებას აქვს პასუხისმგებლობა ქვეყნის შემდგომ მდგომარეობაზე. მასზეა დამოკიდებული რა გზას აირჩევს", - დასძინა სანიკიძემ.
