რუსეთი მიიჩნევს, რომ ამერიკის შეერთებულ შტატების ოპერაცია პაკისტანში ნომერ პირველი ტერორისტის უსამა ბენ ლადენის გასანადგურებლად საერთაშორისო სამართლის ნორმებით გამართლებულია.
ამის შესახებ რუსეთის ფედერაციის საგარეო საქმეთა მინისტრმა სერგეი ლავროვმა განაცხადა.
"ჩვენი პოზიცია ძალიან მარტივია. 2001 წლის 11 სექტემბრის შემდეგ გარეოს უშიშროების საბჭომ მიიღო რეზოლუცია, რომელმაც აძლევს უფლებას ამერიკას თავი დაიცვას, რადგან ეს იყო თავდასხმა გაეროს წევრ ქვეყანაზე", - აღნიშნა ლავროვმა.
შეგახსენებთ, აშშ-ს პრეზიდენტმა ბარაკ ობამამ 2 მაისს მსოფლიოს ნომერ პირველი ტერორისტის უსამა ბენ ლადენის ლიკვიდაციის შესახებ ოფიციალური განცხადება გააკეთა.
