ისრაელმა, აღმოსავლეთ იერუსალიმში ებრაული დასახლების მშენებლობის გაგრძელების გეგმები დროებით შეაჩერა. ინფორმაციას ამის შესახებ ებრაული საინფორმაციო სააგენტო "უაი-ნეტ"-ი ისრალის პრემიერ-მინისტრის გარემოცვაში არსებულ საკუთარ წყაროზე დაყრდნობით ავრცელებს.
მათი მონაცემებით, მშენებლობის პროცესი, ისრაელის პრემიერ მინისტრის პირდაპირი განკარგულებით დროებით შეჩერდა.
"ამ შემთხვევაში ეს შეიძლება ნიშნავდეს იმას, რომ ისრაელის მთავრობა მკვეთრად ცვლის თავის პოლიტიკას და პალესტინელებთან მოლაპარაკებების განახლებისა და მრავალწლიანი კონფლიქტის მშვიდობიანი დარეგულირებისათვის ყველაფერს აკეთებს", _ იუწყება სააგენტო.
მასალის გამოყენების პირობები