სერთიფიცირებულმა პედაგოგებმა დღეს ინგლისურისა და კომპიუტერის ინტეგრირებულ გამოცდაში მიიღეს მონაწილეობა.
ტესტირების მიმდინარეობას საქართველოს განათლებისა და მეცნიერების მინისტრი დიმიტრი შაშკინი და გამოცდების ეროვნული ცენტრის დირექტორი მაია მიმინოშვილი დაესწრნენ.
განათლების სამინისტროს ინფორმაციით, კანდიდატი გამოცდებს კომპიუტერის საშუალებით აბარებს. საგამოცდო ტესტის დავალებები ისეა აგებული, რომ ერთდროულად მოწმდება, როგორც ინგლისურის, ისე კომპიუტერის ცოდნის დონე.
ინგლისურისა და კომპიუტერის ინტეგრირებული გამოცდა წელს პირველად ტარდება და მისი ჩაბარების სურვილი 700-ზე მეტმა სერთიფიცირებულმა პედაგოგმა გამოთქვა.
