ისრაელში ორი სამგზავრო მატარებელი ერთმანეთს შეეჯახა - ინციდენტი საკურორტო ქალაქ ნეთანიასთან მოხდა. გავრცელებული ინფორმაციით, დაზარალებულია სულ მცირე 20 ადამიანი, მათ შორის 18 მსუბუქად.
ისრაელის პოლიციის პრესსამსახურის უფროსმა ალეკს კაგალსკიმ განაცხადა, რომ ავარიის მიზეზი შესაძლოა "ერთ-ერთი მემანქანის შეცდომა გახდა".
"ეს ძირითადი ვერსიაა და იგი ამჟამად მოწმდება. ჩვენ მომხდარის გარემოებებსაც ვამოწმებთ. შემთხვევის ადგილზე ჩვენი თანამშრომლები მუშაობენ", _ აცხადებს პოლიციის წარმომადგენელი.
