სრულიად საქართველოს კათოლიკოს-პატრიარქმა, უწმინდესმა და უნეტარესმა ილია II -მ საკვირაო ქადაგებისას ეკლესიური ცხოვრების აუცილებლობაზე ისაუბრა.
როგორც პატრიარქმა, ბრძანა არასდროს არ არის გვიან სულიერი ცხოვრების დაწყება. პატრიარქმა ყურადღება გახშირებულ თვითმკვლელობებზეც გაამახვილა და ბრძანა, რომ ეს უდიდესი ცოდვაა სულისთვის და ღვთის წინაშე და მასზე ფიქრიც კი დაუშვებელია.
"ჩვენ ხშირად გვესმის იმის შესახებ, რომ ადამიანები ხშირად იკლავენ თავს. ეს უდიდესი ცოდვაა. აი ამიტომ, რაც არ უნდა გაუჭირდეს ადამიანს, ფიქრითაც კი არ უნდა გაიფიქროს, იმის შესახებ, რომ ის თავს მოიკლავს. მან უნდა იცოდეს, რომ თავის მოკვლით კი არ მთავრდება ის ტანჯვა, არამედ უფრო გაძლიერდება", - იქადაგა პატრიარქმა.
დღეს ეკლესია წმინდა მამის, იოანე სინელის ხსენების დღეს აღნიშნავს.
