დღეს, 3 აპრილს, 15:00 საათზე, მოსწავლეთა რესპუბლიკური სასახლის სარკეებიან დარბაზში, იმართება შეხვედრა მაყვალა მრევლიშვილის სახელობის პრემიის ლაურეატთან, პოეტ მარიამ წიკლაურთან.
როგორც ორგანიზატორებმა "ჯი-ეიჩ-ენს" აცნობეს, საბავშვო წიგნის საერთაშორისო დღესთან დაკავშირებით მოსწავლეთა სასახლის ბიბლიოთეკა აწყობს `საბავშვო წიგნის ფესტივალს~ და იწვევს ათამდე საბავშვო და ხუთი ლირიკული წიგნის ავტორს მარიამ წიკლაურს. იგი გახლავთ საბავშვო ლიტერატურის განვითარების ფონდის `ლიბოს" ერთ-ერთი დამაარსებელი და საქართველოში `ქართული საბავშვო წიგნის დღის _ 27 ოქტომბრის" ინიციატორი. გასულ წელს ფონდი ლიბო გახდა ასტრიდ ლინდგრენის სახელობის პრემიის `ალმას~ პირველი ქართველი ნომინანტი.
სარკეებიან დარბაზში წარმოდგენილი იქნება სხვადასხვა დროს გამოცემული მარიამ წიკლაურის საბავშვო წიგნები.
მოეწყობა გამომცემლობა `ანბანის~ მიერ გამოცემული ახალი საბავშვო კრებულის, `ჭიჭიტას~ პრეზენტაცია (მხატვარი რუსუდან ველლავერე) .
პოეტის ლექსებზე შესრულდება კომპოზიტორ თამარ ვაშაკიძის საბავშვო სიმღერები.
ლექსებს წაიკითხავენ არაქართველენოვანი და შეზღუდული უნარების მქონე ბავშვები.
კონკურსში "აბა გამოიცანი" გამარჯვებულები დაჯილდოვდებიან წიგნებით, ფასდაკლების ბარათებითა და მედლებით. Yყველაზე აქტიურ მონაწილეს გადაეცემა გრან-პრი "ჭიჭიტა."