თურქეთის პრემიერ-მინისტრი თურქეთ-სომხეთის პრობლემის მოგვარებას მთიანი ყარაბაღის კონფლიქტის მოგვარების კონტექსტში ითხოვს.
"ჩვენ იმთავითვე ვეუბნებით ამერიკის წარმომადგენლებს: თუ თქვენ დაარეგულირებთ მთიანი-ყარაბაღის კონფლიქტს, მაშინ გადაწყვიტეთ თურქეთ-სომხეთის პრობლემა. წინააღმდეგ შემთხვევაში თქვენ მის გადაწყვეტას ვერ შეძლებთ", - ამის შესახებ თუქეთის პრემიერ-მინისტრმა რეჯეპ ტაეპ ერდოღანმა აშშ-ს პრეზიდენთან ბარაკ ობამასთან შეხვედრამდე განაცხადა.
თუქეთის პრემიერის განცხადებით, პრობლემა მაშინ მოგვარდება, თუ "მინიკის ჯგუფის" წევრები _ ეუთო, აშშ, საფრანგეთი და რუსეთი მის გადასაწყვეტად უფრო მეტ ძალისხმევას გამოიჩენენ.
მისი თქმით, პრეზიდენტ ობამასთან შეხვედრისას საუბარი მთიანი ყარაბაღის პრობლემაზეც იქნება.
"იმიტომ რომ თურქეთ-სომხეთის საკითხი მთიანი ყარაბაღის პრობლემას უკავშირდება. მე ადრე პირდაპირ გავუცხადე ამის შესახებ პრეზიდენტებს ბარაკ ობამას და დიმიტრი მედვედევს, რაზედაც მათ მიპასუხეს: " ჩვენ დავაჩქარებთ ამ საკითხს", _ განაცხადა თუქეთის პრემიერმა.
"თუ პატივცემული ობამა დიმიტრი მედვედევთან ერთად გამოიჩენენ ძალისხმევას ალიევი-საქისიანის მოლაპარაკებეზბე, მიღწეული იქნება შესაბამისი ძვრები. ამ შემთვევაში მე დადებითი შედეგის მჯერა. თუ დარეგულირდება მთიანი ყარაბაღის საკითხი, მაშინ თუქეთ-სომხეთის პრობლემაც იპოვის თავისი მოგვარების გზას", - განაცხადა ერდორანმა.