მიხეილ სააკაშვილმა მუხრან მაჭავარიანის სოფელ არგვეთში წყალგაყვანილობის ახალი სისტემა გახსნა.
"მე კარგად მახსოვს თუ როგორ დაგვავალა მან ამ სოფელში წყლის გაყვანა. მინდა მადლობა გითხრათ, რომ ამ კაცს თავისი ცხოვრების ბოლო წლები მაქსიმალურად რად შეგეძლოთ კომფორტულად გაატარებინეთ და მანაც მადლობა გადაგიხადათ ამ ახალი წყალგაყვანილობის სისტემის სახით. მან გააკეთა ეს და არა რომელიმე ჩვენგანმა. დღეს მე დიდი სიამოვნებით თვენი დავალებით მოვუშვებ მისი სახელობის წყალს თქვენს სოფელში", _ განაცხადა მიხეილ სააკაშვილმა არგვეთში სტუმრობისას.
მისივე თქმით, აქ თითქოს პარატა საქმე გაკეთდა, მაგრამ დიდი საქმე გაკეთდა.
"მუხრან მაჭავარიანი იყო ძალიან დიდი ბუმბერაზი და ყველამ ვიცით და ყველანი ვამაყობთ ამით. ყველა გადამწყვეტ მომენტში მუხრან მაჭავარიანი დადგა საქართველოს ეროვნული ინტერესების მხარეს, მაგრამ ხშირად ამას ჩუმად აკეთებდა, იმიტომ, რომ ამხელა კაცი იყო და მასაც კი ჰქონდა პრობლემა იმ გაგებით, რომ საჯაროდ მისი ყველა გამონათქვამი შესაძლოა ყოფილიყო თავდასხმის ობიექტი", _ განაცხადა მიხეილ სააკაშვილმა და დასძინა, რომ მუხრან მაჭავარიანს არასოდეს არაფერი შეშლია.
"ამ კაცს არასოდეს არ შეშლია იმიტომ, რომ არასოდეს მოწვეტია თავის ხალხს და თავის მიწას და არ მოწყვეტია თავის სოფელს. მე მინდა ვინატრო მხოლოდ, რომ რაც არ უნდა გლოობალიზაცია მოხდეს, ქართული ყოველთვის იყოს მთავარი გენეტიკული კოდი ჩვენი მრავალეთნიკური საზოგაოდებისა და მუხრან მაჭავარიანი მისი გენიალურობით იყოს მისი ძალიან მნიშვნელოვანი ნაწილი", _ განაცხადა საქართველოს პრეზიდენტმა.
