საქართველოდან სტიქიის შედეგად დაზარალებულ იაპონიაში სასმელი წყალი ამ დრომდე არ გაგზავნილა.
როგორც "ჯი-ეიჩ-ენს" საგარეო საქმეთა სამინისტროში განუცხადეს, ამის მიზეზი ისაა, რომ ტვირთის მიღების უზრუნველყოფას იაპონური მხარე ვერ ახერხებს.
"იმის გამო, რომ იაპონური მხარე ჯერ კიდევ ვერ ახერხებს ტვირთის მიღების უზრუნველყოფას, სასმელი წყლის გაგზავნა ამ დრომდე არ მომხდარა", - აცხადებენ საგარეო უწყებაში.
შეგახსენებთ, რომ სტიქიით დაზარალებულ იაპონიაში საქართველოს ხელისუფლება 45 ტონა სასმელი წყლის გაგზავნას აპირებს. გარდა ამისა, მთავრობის გადაწყვეტილებით, მიწისძვრისა და ცუნამის შედეგად დაზარალებულ ქვეყანას ფულადი დახმარებაც გამოეყო და მილიონი დოლარი გადაერიცხა.
იაპონიაში 11 მარტს მომხდარი 9 ბალიანი მიწისძვრის შედეგად, რომელმაც ცუნამი გამოიწვია, ვითარება ამ დრომდე კრიტიკულია. სტიქიების შედეგად დაღუპულთა და უგზო-უკვლოდ დაკარგულთა რაოდენობამ 25 ათას ადამიანს აჭარბებს.
