ქუთაისის ბავშვთა კლინიკაში ოკუპირებული გალიდან 8 თვის ჩვილი მოათავსეს. პაციენტს მენინგიტი დაუდგინდა.
ექიმების თქმით, ჩვილს ჩირქოვანი მენინგიტისთვის დამახასიათებელი სიმპტომები აღენიშნება. პატარას მდგომარეობა ამ დროისთვის მძიმეა.
მას გადაუდებელი სამედიცინო დახმარება უტარდება.
გალიდან ბავშვის ქუთაისში გადაყვანა მისი ჯანმრთელობის მდგომარეობის გაუარესების გამო გახდა აუცილებელი.