დღეს ბათუმში საქართველოს პრეზიდენტმა მიხეილ სააკაშვილმა სასტუმრო "ბათუმი შერატონის" დასრულებული ნაწილი გახსნა. აღნიშნული ხუთვარსკვლავიანი სასტუმრო სრულად 2010 წლის გაზაფხულზე ჩაბარდება. პრეზიდენტმა გახსნის საზეიმო ცერემონიალზე სასტუმროს "შავიზღვისპირეთის ყველაზე ლამაზი სასტუმრო" და "ბათუმის თეთრი სასწაული" უწოდა.
"ეს აქაურობისთვის არის ძალიან მნიშვნელოვანი მოვლენა. პირველად გაჩნდა დღეს დასახელება ოფიციალურად "ბათუმის შერატონი". ყველაზე მეტად რაც შეესაბამება ბათუმს სიტყვა ეს არის "ბათუმს ქათქათას", '"თეთრი ბათუმი". მართალია ბათუმი ბოლო რამდენიმე წლის განმავლობაში ბევრ სხვა და სხვა ფერად შეიღება, მაგრამ მე ვიცი თუ რამხელა ნოსტალგია აქვს ბათუმელებს ამ გამოთქმაზე _ თეთრი ქათქათა ლამაზი ბათუმი",_ განაცხადა მიხეილ სააკაშვილმა და დასძინა, რომ სიყო დღო როდესაც ბათუმი თეთრის გარდა ყველა ფერი იყო.
"ეს იყო ჩამოგლეჯილი, ჩამოხეული, განაცრისფრებული და გაშავებული ბათუმი. ეს შენობა კი განასახიერებს თეთრი ბათუმის იდეას ყველაზე მეტად. იდეას ბრწყინვალების, მომავლის, თანამედროვეობის და განსაკუთრებული ქალაქისა მთელი საზღვრის რეგიონში და ევროპაში",_განაცხადა საქართველოს პრეზიდენტმა.
