დღეს, 30 მარტს, 16:00 საათზე, საქართველოს პარლამენტში გაიმართება შეხვედრა-დისკუსია არასრულწლოვანთა დელიქვენტობის პრევენციის საკითხებზე.
"ბავშვთა და მოზარდთა ძალადობის და დელიქვენტობის შემსწავლელი ალიანსი" დაფუძნდა 2007 წლის 25 მაისს, ფონდის "გლობალური ინიციატივა ფსიქიატრიაში - თბილისი" ინიციატივითა და ხელშეწყობით.
ალიანსს პოლიტიკური მხარდაჭერა აქვს საქართველოს პარლამენტის ჯანმრთელობის დაცვისა და სოციალურ საკითხთა კომიტეტის მხრიდან. არაფორმალური გაერთიანების მთავარი მიზანია: 1. ბავშვთა და მოზარდთა ძალადობის ფენომენის შესწავლა; 2. პრევენციული ღონისძიებების დაგეგმა-კოორდინირება; 3. კრიზისზე რეაგირების გზების ჩამოყალიბება; 4. არასრულწლოვან "დამნაშავეთა" კორექცია-რეაბილიტაციის ხელშეწყობა.