დღეს, 30 მარტს, მედიაში ბავშვთა საკითხების გაშუქების სტანდარტებზე პრეზენტაცია კაფე "ქარავანში" გაიმართება. როგორც სამოქალაქო განვითარების ინსტიტუტშიდან აცხადებენ, პროექტს - "ბავშვთა საკითხების პროფესიული და ეთიკური გაშუქების ხელშეწყობა - მედიამონიტორინგი", გაეროს ბავშვთა ფონდთან ერთად ახორცილებენ.
სტუმრებს ბროშურა "მედიაში ბავშვთა საკითხების გაშუქების საერთაშორისო და ეროვნული სტანდარტები" გადაეცემათ.
ღონისძიებას დაესწრებიანგაეროს ბავშვთა ფონდის წარმომადგენელი საქართველოში რულანდ მონაში, სამოქალაქო განვითარების ინსტიტუტის გამგეობის თავმჯდომარე ია ანთაძე და სხვა პირები.
პროექტი ითვალისწინებს ადგილობრივი მედიის, არასამთავრობო ორგანიზაციებისა და საზოგადოების აქტიური წევრების მონაწილეობით საქართველოს 10 ქალაქში ბავშვთა საკითხების გაშუქების შესახებ მრგვალი მაგიდის ფორმატის დისკუსიების გამართვას. ასევე, მედიაში ბავშვთა საკითხების გაშუქების საერთაშორისო და ეროვნული სტანდარტების გამოცემას, რომლის საფუძველზედაც განხორციელდება მედიის მონიტორინგი და სტანდარტის სავარაუდო დარღვევის შემთხვევებში, გასაჩივრების სისტემა ამოქმედდება.
ორგანიზაციაში მიიჩნევენ, რომ ბავშვთან დაკავშირებული ამბების გაშუქება ქართული მედიის ერთ-ერთი პრობლემური საკითხია, რადგან ხშირად ქვეყნდება იმგვარი სიუჟეტები და სტატიები, რომლებიც ბავშვის უფლებებს ლახავს და ბავშვის საკითხების გაშუქების საერთაშორისო თუ ეროვნულ სტანდარტს უგულებელყოფს.
