სეისმოლოგებმა დაადგინეს, რომ ძლიერი მიწისძვრები ერთმანეთს არ უკავშირდება.
ცნობილია, რომ ძლიერი მიწისძვრის გამო, შესაძლოა, ნიადაგის რყევა დედამიწის მთელ ტერიტორიაზე აღინიშნოს. ამის გამო ზოგიერთმა გეოლოგმა გამოთქვა ვერსია, რომ მსგავსმა რყევებმა შესაძლოა, მსხვილი სეისმური შემთხვევა ეპიცენტრიდან მოშორებულ ტერიტორიებზეც გამოიწვიოს.
კერძოდ, აშშ-ში შიშობენ, იაპონიის მიწისძვრამ კალიფორნიის სან-ანდრეასის მიდამოებში რყევა არ გამოიწვიოს.
ამასთან დაკავშირებით მეცნიერებმა უკანასკნელი 30 წლის განმავლობაში შვიდ ბალზე არანაკლები სიმძლავრის მიწისძვრების მონაცემები გააანალიზეს. დადგინდა, რომ არაა გამორიცხული, მიწისძვრამ სეისმური აქტიობის პროვოცირება მართლაც მოახდინოს, მაგრამ მხოლოდ მცირეოდენი სიმძლავრით და თანაც, _ეპიცენტრთან ახლოს.
მნიშვნელოვანი დაშორებით მომხდარი მიწისძვრები კი ერთმანეთს არ უკავშირდება.
აღსანიშნავია, რომ მეცნიერებს მიწისძვრების ლოკალიზაციის ფიზიკური მექანიზმი დღემდე ვერ გაურკვევიათ. მეცნიერთა თქმით, მათი უახლოესი გეგმაა, ტექტონურ პროცესებთან დაკავშირებით შესაბამისი ადექვატური მათემატიკური მოდელი შეადგინონ.