პარლამენტის ვიცე-სპიკერი პაატა დავითაია გულრიფშისა და ოჩამჩირის რაიონში სამხედრო ბაზების მშენებლობაზე საქართველოს საგარეო საქმეთა სამინისტროს რეაგირებას ითხოვს.
აღნიშნული განცხადება დავითაიამ პარლამენტის დღევანდელ ბიუროს სხდომაზე გააკეთა.
"რუსეთის თავდაცვის სამინისტროს სახმელეთო ჯარების წარმომადგენელმა გენერალმა ბოგდანოვსკიმ აფხაზეთში ვიზიტის დროს სეპარატისტთა თავდაცვის სამინისტროსთან ხელშეკრულება გააფორმა, რომელიც გულრიფშისა და ოჩამჩირის რაიონში სამხედრო პოლიგონის მშენებლობას ითვალისწინებს", - აღნიშნა დავითაიამ.
მისივე განცხადებით, აღნიშნულ რაიონებში სამხედრო პოლიგონები არასდროს ყოფილა და ამის გათვალისწინებით მათი მშენებლობა ქართველთა საცხოვრებელ მიწებზე დაიწყება.
დავითაიამ პარლამენტის თავმჯდომარე, დავით ბაქრაძეს მიმართა, რომ აღნიშნულთან დაკავშირებით საგრეო საქმეთა კომიტეტს დავალება მიცენ, რომ საგარეო საქმეთა სამინისტროსთან ერთად მოახდინოს აღნიშნულზე რეაგირება.
