ნავთობპროდუქტების იმპორტიორთა კავშირი: ,,მსოფლიოში ნავთობის ფასი კვლავინდებურად იზრდება. მ/წლის 23 თებერვლის ვაჭრობის შედეგებით ლონდონში InterContinental Exchange Futures Europe-ze (IСE Futures Europe) ნავთობის ფასმა მიაღწია 111.25 დოლარს/ბარელზე, რაც ყველაზე მაღალი მაჩვენებელია 2008 წლის 2 სექტემბრის შემდეგ.
ნავთობის ფასი გაიზარდა ასევე ნიუ-იორკის სანავთობო ბირჟაზე, სადაც Light Sweet ტიპის ნავთობის ფასმა შეადგინა 98.10 დოლარი ბარელზე.
ნავთობის ფასის ზრდის გაგრძელების მთავარი მიზეზი კვლავინდებურად ლიბიაში არსებული უმწვავესი ვითარებაა. დაკეტილია ნავსადგურები, ნავთობის მოპოვება შეაჩერა ქვეყანაში მოქმედმა თითქმის ყველა საერთაშორისო ენერგეტიკულმა კომპანიამ.
ცნობისათვის, ლიბია მოიპოვებს 1.5 მილიონ ბარელ ნავთობს/დღეში. ის გახლავთ სიდიდით მე-12 ნავთობექსპორტიორი ქვეყანა მსოფლიოში. მისი ექსპორტის უდიდესი ნაწილი მიდის ევროპულ ქვეყნებში. დღეისათვის კი ლიბიაში ნავთობის ექსპორტის მოცულობა 500 ათასი ბარელითაა შემცირებული დღეში.
გარდა ამისა, არის საშიშროება იმისა, რომ რევოლუციური ტალღა გადავიდეს საუდის არაბეთში, რომელიც არის მსოფლიოში ნავთობის ყველაზე დიდი მომპოვებელი და ექსპორტიორი ქვეყანა და ირანში.
რაც შეეხება საერთაშორისო ფასებს ნავთობპროდუქტებზე Pლატტ'ს -ის მიხედვით, რომლითაც ხორციელდება საქართველოში ნავთობპროდუქტების იმპორტი, ისინიც იზრდება: ბენზინის ფასი ბოლო 10 დღის განმავლობაში, კერძოდ 14 თებერვლიდან გაზრდილია 900 დოლარიდან 952 დოლარამდე/ტონაზე. ხოლო დიზელის საწვავის ფასი გაზრდილია 870 დოლარიდან 898 დოლარამდე/ტონაზე.
