ხვალ, 25 თებერვალს საქართველოს ნავთობისა და გაზის კორპორაცია, გაზის გაყიდვაზე გამოცხადებულ აუქციონში გამარჯვებულს გამოავლენს.
დაინტერესებულ მყიდველს კორპორაცია სთავაზობს XIBB სალიცენზიო ფართობზე, კრწანისის N39 ჭაბურღილიდან 1 წლის განმავლობაში მოპოვებულ ხელმისაწვდომ, მომყოლ გაზს.
მომყოლი გაზის მიწოდება განხორციელდება კრწანისის N39 ჭაბურღილთან დამონტაჟებული გაზის გამზომი სისტემიდან.
აუქციონის მონაწილეებს შორის ვაჭრობა გაიმართება 1 000 ათას მ3 გაზზე 220 აშშ დოლარიდან. უქციონში გამარჯვებულად გამოცხადდება ის მონაწილე, რომელიც 1 000 (ათასი) მ3 გაზის შესაძენად კორპორაციას შესთავაზებს სხვა მონაწილეებთან შედარებით მეტ ფასს.
სარეალიზაციო მომყოლი გაზის განკარგვა, სახელმწიფოსა და ინვესტორ კომპანიებს შორის გაფორმებული პროდუქციის წილობრივი განაწილების ხელშეკრულებისა (პწგხ) და მოქმედი კანონმდებლობის შესაბამისად, განეკუთვნება შპს ,,ჯინდალ პეტროლეუმ (ჯორჯია) ლიმიტედისა~ (ჯინდალი) და შპს ,,საქართველოს ნავთობისა და გაზის კორპორაციის~ უფლებამოსილებას. აუქციონის დადებითი შედეგით დამთავრების შემთხვევაში, გაფორმდება სამმხრივი ხელშეკრულება, აუქციონში გამარჯვებულს, კორპორაციასა და ჯინდალს შორის.
