რუსეთის ფედერაციის უსაფრთხოების ფედერალურმა სამსახურმა მოსკოვში დიდი ბრიტანეთის საელჩოს დაცვის თანამშრომლის დაკავების შესახებ განაცხადა. მის წინააღმდეგ სისხლის სამართლის საქმე სახელმწიფო ღალატის მუხლით აღძრეს. ინფორმციას რუსული მედია ავრცელებს.
დაკავებულმა ეჭვმიტანილმა, რომელიც რუსეთის მოქალაქეა, „ეფ-ეს-ბე“-ს განუცხადა, რომ 2026 წლის იანვარში უკრაინელ ბლოგერთან, დმიტრო კარპენკოსთან კავშირი დაამყარა და უთხრა, რომ მოსკოვში დიდი ბრიტანეთის ელჩის რეზიდენციის დაცვაში მუშაობდა.
რუსული მხარის მტკიცებით, ბრიტანეთის საელჩოს თანამშრომლის მიერ მოპოვებული ინფორმაცია დიდი ბრიტანეთის ელჩისა და სხვა დიპლომატების წინააღმდეგ დივერსიებისა და ტერაქტების მოსამზადებლად უნდა გამოეყენებინათ, ხოლო პასუხისმგებლობა რუსეთს დაკისრებოდა და დიდი ბრიტანეთი შეიარაღებულ კონფლიქტში ჩაეთრია.
