ნავთობპროდუქტების იმპორტიორთა კავშირი: "ახლო აღმოსავლეთში ვითარების შემდგომი ესკალაციის ფონზე ნავთობის ფასი კვლავინდებურად იზრდება და 21 თებერვლის ვაჭრობის შედეგებით შეადგენს londonSi InterContinental Exchange Futures Europe-ze (IСE Futures Europe) 105.74 დოლარს/ბარელზე. ეს ყველაზე მაღალი მაჩვენებელია 2008 წლის სექტემბრის თვის შემდეგ. ფასების ზრდა ახლაც მიმდინარეობს ყველა წამყვან სანავთობო ბირჟაზე.
ნავთობის ფასის ზრდის მთავარი მიზეზი გახლავთ ლიბიაში არსებული მწვავე ვითარება, რის ფონზეც ქვეყანაში მოქმედმა ნავთობკომპანიებმა, როგორებიცაა BP და Statoil , გააკეთეს განცხადება კომპანიაში მომუშავე უცხოელი თანამშრომლების ქვეყნიდან სასწრაფო ევაკუაციის შესახებ. ცნობისათვის, ლიბია გახლავთ ერთ-ერთი დიდი ნავთობმომპოვებელი ქვეყანა, რომელიც ყოველდღიურად მოიპოვებს 1.5-1.6 მილიონ ბარელს.
აღსანიშნავია ასევე, რომ ლიბიაში, კერძოდ ნაფურაში შეჩერებულია ერთ-ერთი უმსხვილესი ნავთობსაბადოს ფუნქციონირება. მნიშვნელოვანია ასევე ოპოზიციის მუქარა იმასთან დაკავშირებით, რომ შეაჩერებს ლიბიიდან ნავთობისა და ნავთობპროდუქტების ექსპორტირებას.
ლიბიის საკითხს ემატება ასევე ირანში არსებული დაძაბული ვითარება, რომლის შემდგომი გამწვავების პირობებში ნავთობის ფასმა შესაძლოა ყველა რეკორდული მაჩვენებლი მოხსნას.
მთლიანობაში ახლო აღმოსავლეთში დაძაბული არაპროგნოზირებადი ვითარებაა. რევოლუციური ტალღა ფაქტიურად ჯაჭვისებურად ვრცელდება ახლო აღმოსავლეთის თითქმის ყველა ქვეყანში. ეს ყველაფერი კი ნავთობის ფასთან დაკავშირებით არაპროგნოზირებად და არასასურველ გარემოს ქმნის.