ევროკავშირის ქვეყნები უახლოესი 5-7 წლის განმავლობაში გაზრდიან მიწისქვეშა გაზსაცავების რაოდენობას და არსებულის მოცულობა თითქმის ორჯერ გაიზრდება.
აღნიშნული პროექტის დასრულების შემდეგ მიწისქვეშა გაზსაცავების მარაგი 150 მლრდ. კუბ/მ-მდე გაიზრდება.
მიწისქვეშა გაზსაცავების მშენებლობას დიდი მნიშვნელობა ენიჭება 2009 წლის იანვრის კრიზისის შემდეგ, როდესაც ევროპაში უკრაინის ტერიტორიიდან გაზის ტრანზიტი შეწყდა.
ექსპერტები აცხადებენ, რომ კრიზისის პერიოდში თვალნათლივ გამოჩნდა მიწისქვეშა გაზსაცავების არათანაბარი განლაგება ევროპის ტერიტორიაზე. ასევე შესაბამისი ინფრასტრუქტურის განუვითარებლობა, რომელიც შესაძლებელს არ ხდის განხორციელდეს ოპერატიული მიწოდება საჭირო მიმართულებით.
წინასწარი მონაცემებით, მიწისქვეშა გაზსაცავების მშენებლობა ესპანეთში, იტალიაში და გერმანიაში განხორციელდება. პერსპექტივაში კი შესაბამის პროექტებს დიდი ბრიტანეთიც განახორციელებს.
